09:30 Quruq yuz terisi – muammo emas | |
| Qish kunlarida yuz terisi quruqlashishi ko`pchilikni tashvishga qo`yadi. Aslida esa to`g`ri parvarishlansa, quruq yuz terisi muammo emas! Quyida uy sharoitida foydalanish mumkin bo`lgan usullar bilan tanishtiramiz. Krem tanlaymiz! Sovuq kunlarda terining gidrolepid qatlami oziqlantirilishi kerak. Negaki, quruqlashishga moyil yuz terisida yog` bezlari sustroq ishlaydi. Bunda sizga tarkibida vazelin, lipid va o`simlik moyi bor kremlar ko`mak beradi. Krem uyquga yotishdan oldin, yuzga surtilib, teri engil uqalanadi. Kokos moyi Yuz terisini yumshatishda kokos moyiga teng keladigani yo`q. Yog`ni barmoq uchida teriga tekis surtiladi va ertalabgacha qoldiriladi. Quruq teri parvarishida zaytun yog`i ham ayni muddao. Ushbu moy nafaqat oziqlantirish, balki ajinlarning oldini olish xususiyatiga ham ega. Moychechakli kompress Pardoz tozalangach, ikki qavat dokani moychechakli damlamada ho`llab, yuz terisiga 10-15 daqiqali kompress qiling. Damlama teri yuzasida hosil bo`lgan mayda burmalarni oson ko`chirib tushiradi. Shu bilan birga terini yumshatadi ham. Kompress kuchli teri qurishida – haftasiga 2 marta, engil shaklida esa bir marta qo`llansa, kifoyadir. To`g`ri ovqatlaning! Tashqi parvarish usullari natija berishini istasangiz,muammoni, avvalo, ichkaridan hal eting. Taomnomada – A va E vitaminlariga boy mahsulotlar – barcha turdagi yong`oq, o`simlik yog`i, jigar, dukkakli o`simliklar, baliq go`shti bo`lishi lozim. Manba: Darakchi.uz | |
|
| |
| Всего комментариев: 0 | |
|
| |