00:45 Qozog'istonda maxsus operasiya davomida 137 nafar O'zbekiston fuqarosi qo'lga olindi | |
| 31 yanvar kuni Shimkentda o`tkazilgan maxsus operasiya davomida 73 nafar XXR va 137 nafar O`zbekiston fuqarolari qo`lga olingan, deb xabar qildi Sputnik. Qayd etilishicha, Qozog`iston IIV migrasiya xizmati va kriminal polisiya Departamenti xodimlari tomonidan Olma-Ota shahrida XXR va O`zbekiston fuqarolari uchun noqonuniy migrasiyani tashkillashtirish bilan shug`ullangan jinoiy guruh faoliyatiga chek qo`yilgan. «Aniqlanishicha, XXR fuqarolari Qozog`iston Respublikasiga tranzit aviareyslari orqali kirib kelishgan va shundan so`ng qonunni buzgan holda noqonuniy ravishda mamlakat hududida qolganlar. Ayni vaqtda ularni mamlakat tashqarisiga chiqarib yuborish masalasi ko`rib chiqilmoqda», - deb xabar qilgan mamlakat IIV rahbari Olmos Sadubaev. Noqonuniy migrasiya kanalini XXRning ikki fuqarosi va qozog`istonlik ayol tashkillashtirilgani aytilgan. «Ular ushlangan, QR JK 394 moddasi 2 qismi (bir guruh shaxslar tomonidan oldindan til biriktirgan holda noqonuniy migrasiyani tashkil etish) bilan sudgacha bo`lgan surishtiruv ishlari olib borilmoqda. Bundan tashqari, Olma-Ota shahrida Qozog`istonda noqonuniy bo`lib turgan 9 nafar XXR fuqarosi va ularga hamrohlik qilib yurgan shasxlar – Qozog`iston fuqarolari qo`lga olindi. Chet elliklar sud qarori bilan mamlakatga kirishga ta`qiq sharti bilan Qozog`iston hududidan chiqarib yuborilgan», – deb qo`shimcha qilgan Sadubaev. Manba: Darakchi.uz | |
|
| |
| Всего комментариев: 0 | |
|
| |