22:47 Limon: ozdiradi, yoshartiradi, sog`liqqa foyda | |
| Bu sitrus mevasidan ko`klamning ilikuzdi davri xo`p va ko`p eb oling. «Qish bo`yi kanda qilmadim axir» deysizmi? Barakalla! Endi martning oxiriga qadar foydali mashg`ulotni davom ettirasiz. Negaki, limon... Teridagi muammolar bilan kurashadi! Yarimta limon sharbatiga 2 osh qoshiq miqdorida iliq suvni aralashtirib, loson tayyorlang-da, Husnbuzar, dog` va sepkillarni oqartirishda foydalaning. Haftada bir marta loson bilan yuzni artishga odatlansangiz, teringiz mayinlanib, taranglashadi. Tetiklashtiradi! Nonushtadan 20 daqiqa avval limon qo`shilgan suv iching. Ta`sirini oshirish uchun qand qo`shilmaydi. Tishdagi karashni ketkazadi! Tishni tozalagach, limon sharbati qo`shilgan suvda og`izni chayqash antiseptik ta`sirni paydo qiladi. Karash va tish emalining sarg`ayishidan Ham Himoyalaydi. Immunitetni chiniqtiradi! Yarim kilogramm limonni go`sht qiymalagichdan o`tkazib, shakar bilan aralashtiring-da, shisha bankaga solib qo`ying. Nonushta vaqti sariyog`li non ustiga ozroq limonli aralashmadan surtib tanovul qilsangiz, yo choyga qo`shib ichilsa, sog`liqqa foydasi bo`ladi. Yo`tal xurujlarida tez yordam! Nafas yo`llari kasalliklarida limon sharbati qo`shilgan suvda tomoqni g`arg`ara qilish tavsiya etiladi. Antiseptik ta`siri tufayli limon tomoqdagi qichishishni ketkazib, nafas olish maromining yaxshilanishiga ko`mak beradi. Ozishga yordam beradi! Asosiy ovqatlanish paytidan 15 daqiqa oldin limon qo`shilgan suv ichish moddalar almashinuvini tezlashtiradi. Jarayonning faollashishi ortiqcha vazndan halos bo`lishda ayni muddaodir. Manba: Darakchi.uz | |
|
| |
| Всего комментариев: 0 | |
|
| |