20:47 Kiprigingizni kamonga aylantiring! | |
| “Kipriklaring nayzaday, yangi chiqqan maysaday...” Shunday ta`rif siz uchun mubolag`adek tuyulsa, o`kinmang. Hozirda buni ayni haqiqatga aylatirish imkoni bor! Demak... Kipriklarni uzaytiramiz! Bugungi kunda kiprik uzaytirish va ulatishning bir qancha usullari mavjud bo`lib, shular orasida ikki usul keng tarqalgan: Yaponcha usul Yapon texnologiyasi kipriklarni bittalab haqiqiy kiprik yoniga yopishtirib chiqishni nazarda tutadi. Bunday usulda o`stirilgan kipriklar sizga 3 oygacha beminnat xizmat qilishi mumkin.Yagona sharti oyda bir bor korreksiyaga borib turishingiz lozim. Mutaxassislar kipriklari qalin ammo kalta qizlarga aynan shu usulni tavsiya etishmoqda. Ko`zning tashqi burchagidan ichki burchagiga qarab kipriklar kaltalatib yopishtiriladi. An`anaviy usul Bir paytlar gollivud aktrisalari keng foydalangan bu usulda sun`iy kipriklar 2-5 donadan (tutam qilib) qovoqqa yopishtiriladi. Tutam kipriklar haqiqiy kipriklaringiz uchun biroz og`irlik qilishi mumkin, ammo yopishtirish jarayoni kam vaqt talab etishi bilan e`tiborli. Qo`shimcha parvarishsiz ham ikki hafta davomida ko`zingizni quvnatib turishi mumkin. Bu usul to`y hashamga otlanganingizda, ayniqsa, samaralidir. Sun`iymi yoki tabiiy? Kiprik ulash uchun sun`iy yoki tabiiy xomashyodan tayyorlangan tolalar mavjud. Masalan, shoyi yoki qoraquzan (norka) mo`ynasidan tayyorlangan ulama kipriklar o`zingiznikidan deyarli farq qilmaydi. Bo`lajak kipriklaringizning uzunligini ham o`zingiz belgilaysiz. Istakka ko`ra 8, 10 va 12 millimetrli ulama kipriklar tanlanadi. Ammo haddan ortiq uzunlari nigohingizni qo`g`irchoqniki singari soxta qo`rsatib qo`yishini yodda saqlang. Kimlarga mumkin emas Garchi kosmetologlar kiprik ulashga mo`ljallangan elim butunlay bezarar ekanligin ta`kidlashsa-da, bazida allergiyaga sabab bo`lishi mumkinligini ham e`tibordan chetda qoldirmang. Ko`z shilliq pardasi shamollagan va ko`z xastaliklariga chalinganda, ushbu go`zallik muolajasini sog`aygunga qadar ortga surib turish lozim. Shuningdek, qovoqlari tez yog`lanadigan xonimlarning ulama kipriklari uzoq muddat turmasligi ham bor gap. Tavsiyalar Yodingizda bo`lsin, kiprik ulatgandan keyin turli moylar va kremlardan kamroq foydalanishga to`g`ri keladi. Yuzni yuvish jarayonida ko`z atrofiga ehtiyotkorlik bilan tegish tavsiya etiladi. Dekorativ kosmetika ulama kipriklarning umrini qisqartiradi. Umuman olganda bunday kiprik sohibalari tush va shunga o`xshash vositalardan foydalanmaganlari maqsadga muvofiq. Qorin bilan yotishga odatlangan ayollar diqqatiga agar ne hasratda erishgan kipriklaringiz bir kechadan yaroqsiz holga kelib qolishini istamasangiz bu odatingizdan darhol xalos bo`ling. Shuningdek, sun`iy kipriklarga shakl beraman deb ovvora bo`lmang. Bu ham achinarli oqibatlarga olib kelishini xisobga olgan holda, tajriba o`tkazmaslikni maslahat beramiz. Kiprik ulatgandan so`ng 24 soat davomida ko`zga suv tekkizmaslik, 48 soat davomida esa yuz uchun bug`li muolajalarni amalga oshirmaslik lozim. Saodat tayyorladi. | |
|
| |
| Всего комментариев: 0 | |